لا نوق عندي تودّيني ولا مال عندي يكفيني لازور طيبة يا تُرى مين يواسيني
الكلمات
لا نوق عندي تودّيني ولا مال عندي يكفيني
لازور طيبة يا تُرى مين يواسيني يواسيني
وبنطر عودة الراجع من زيارة الهادي
ليحكيلي عن جمال القبة الخضرا ويُرويني
واقعد أتخايل نفسي بجوارو
أرى أنوارو/ وأشم أعطارو
عسى أزورو وأنسى أنيني يابا يابا
رجعتلي من هالسفرة
بالله احكيلي وقلي
تسلملي القبة الخضرا
اللي سرَّت قلبي وعقلي
- قبل وصولي تصوّرتا
وتخايلتا بفكري
وقلبي كلما تذكرتا
دقو بيكتر بصدري
وروحي كلما صبّرتا
بتصير الدمعة تجري
بأمّلّها بنيل البشرى
من طه خيرِ الرسْلِ
- ولما شافت عينيّي
الحُجرة وعليها الأنوار
وتأوقف ما عاد فيّي
قعدت ومن حولي الزوار
وأدّى لساني التحية
وحيّيت الهادي المختار
وقلبي ناطر لو نظرة
ومن خوفو عمّا يغلي
- وصحبي كلما افتقدوني
لاقوني عند الهادي
وكادوا إنو يخلوني
لو ما نادى المنادي
وقمت ودمعي بعيوني
وقلبي ملوّع بزيادي
اتمنى تاني مرة
بسرعة تنعاد الرحلة
جلّ الوالي مولاك
يا هادينا ما أحلاك
أنظارَك يا غالي
يا أحمد روحي تهواك
- أيمتى الصبّ المكروب
يصفّي عندك يا محبوب
ويمسح دمعو المسكوب
ويشمّ بْفرحة ريّاك
- يا سيدْ للكونين
همي زايد صار تنين
جُد لي يا نورَ العين
ريتني إتهنى بْمرآك
