بيروت يا قلب انكسر Beirut ya alb nkasar

بيروت يا قلب انكَسَرْ

فَجَّرْ شرايين الوَطَنْ

والدَّمّ عا أَرضِكْ سَطَرْ

اِسمِكْ اللّي لَفّو الكَفَنْ

صَرخِةْ وَلَدْ فاقِدْ أَهِلْ

دَمْعاتْ نِزلِت عَ مَهِلْ

تَحتِ الرَّدِمْ بَيّو قِتِلْ

ما بِقي مِنْ أَهلو حَدَنْ

صَرخاتْ إمّ مْلَبَّكي

خَوفا سْيولْ منِ البِكي

"اِبني ما بَيَّنْ ما حِكي

يا ربّ ما يكونْ اندَفَنْ.."

خَيّْ ودَفَنْ خَيّو اسمَعوا

دافِنْ نَبِضْ قَلبو مَعو

غَضباتو يَلّي تْجَمَّعوا

بْيِكفوا تَ يِنهَدّ الوطنْ